CHARAXES sive CHARAXUS

CHARAXES sive CHARAXUS

Herodoto, l. 2. vir Mitylenaeus, frater Sapphûs poetriae, qui captus Rhodopes meretricis amore, eius causâ opes suas omnes dilapidavit, et ad summam redactus inopiam piraticam exercuit. Ovid. in Epist. Sapphus, Heroid. 15. v. 117.

Gaudet, et e nostro crescit maerore Charaxus

Frater, et ante oculos, itque reditque meos.

Et paulo ante, v. 63.

Arsit inops frater, victus meretricis amore,

Mistaque cum turpi damna pudore tulit;

Factus inops, agili peragit freta caerula remô,

Quasque male amisit, nunc male quaerit opes.